Девлет-Баба азизи янында байрам

06.05.2008 16:23
in

Эр йыл олгъаны киби, 6-майыс куню Девлет-Баба азизи янында Хыдырлез байрамы отькерильди. Байрам Алушта меджлиси тарафындан тешкиль этильди. Шу ерге саба саат 8-де халкъ келе башлады. Эки узун бол маса къоюлды. Софралар чешит ичимликлернен, емеклернен донатылды. Къартбабалар, къартаналар, эр кишилер ве къадынлар, балачыкълар софра башына отурдылар, озьлеринен алып кельген аш-сувларны да софрагъа къошып къойдылар. Софралар башына сыгъмагъан ватандашларымыз исе ешиль мейданда, отлар устюнде ерлештилер.

Байрамгъа кельген халкъ Девлет-Баба къабирини зиярет этип, дуа окъуды. Чокъ йыллардан берли бири-бирини корьмегенлер къуванып къучакълаштылар, агълаштылар, ал-хатирлерини сорадылар ве отлар устюне отурып, субетлерини девам эттилер.

Айны вакъытта чалгъыджылар миллий аваларымызны иджра эттилер. Шу байрамда эски халкъ йырлары, шаирлеримизнинъ шиирлери, юрекни аджытыргъан сёзлер янъгъырады.

Шенълик, къуванч эп артты, кунеш нуру этрафны яраштырды. Алушта меджлисининъ ёлбашчылары топлангъан бинъге якъын ватандашымызны Хыдырлез байрамынен хайырладылар. Ондан гъайры ерли шуранынъ реиси чокъ эйи сёзлер айтты, бутюн къырымларгъа сагълыкъ-селяметлик тиледи. Онынъ сёзлерини динълер экеним, бир къач дакъкъа ичинде кечмишни анъдым: къырымларны саймайып ашалагъанлары, кокюсимизден итегенлери, чеккен азапларымыз козь огюмде джанланды ве бугуньде исе бизге якъынлашкъанлары дуюлды…

Къайтарма янъгъырай. Яшлар, эсли-башлы адамлар мейдангъа чыкъып оюн тёшедилер. Эм озьлери шенълендилер, эм джемаатны шенълендирдилер. Ерли меджлис ярдымынен азырлангъан чешит сыджакъ ашлар софрагъа къоюлды.

Эминим, халкъымызнынъ бирлиги, урьмети кет-кете арта. Бири-биримизге, ватанымызгъа эр вакъыт мукъайт олайыкъ. Алла Тааля эр биримизге келеджек байрамларны корьмек къысмет этсин.

Къуртсеит Меджит огълу БАЙБУЕВ, Орталан кою

БЛИЦ-ОБЗОР 
  • 30 декабря 2008
    Предновогодний обзор крымской прессы
  • 29 декабря 2008
    ТВ-новости Крыма в понедельник:


    – Трое подозреваемых во взрыве дома в Евпатории взяты под стражу. – В начале следующего года в Крыму может смениться власть. – Конфликт между духовными управлениями мусульман Крыма и Украины. – Экологам удалось остановить истребление бакланов у озера Акташ. – На Ялтинской набережной начали демонтаж аттракционов. – Прокуратура ищет виновных в создании кладбища забитого скота во Фрайдорфе. – В районе села Джулга введён карантин охотничьих угодий. – Мусульмане отмечают Новый год по исламскому календарю.

  • 26 декабря 2008
    Крымские газеты в пятницу:


    Прогремевший в Евпатории в среду вечером мощный взрыв, который превратил в груду развалин два подъезда пятиэтажного жилого дома на улице Некрасова, 67, стал главной темой сегодняшних крымских изданий.

  • 26 декабря 2008
    ТВ-новости Крыма в пятницу:


    – Слухи о взрывчатке во взорвавшемся доме. – Отпущены на свободу организаторы побоища на святилище Азиз в Бахчисарае. – Версии взрыва в Евпатории: взрывчатка, газ, кислород. – Ялта борется за украинских курортников. – ТНУ признан самым открытым вузом для коррупционных проверок.

Новости партнеров

подробнее